近年唔少女仔都鍾意著瑜伽褲周圍去，無論係行山做Gym，定只係平時行街食飯，只要你出街，就總會見到有條瑜伽褲喺左近。但同時坊間就有人話著瑜伽褲好肉酸，網上仲不停出現「批鬥」瑜伽褲嘅言論。其實瑜伽褲又係唔係真係咁乞人憎？我哋不如又睇睇日本寫真女星「川瀬もえ」著瑜伽褲係咩光景呢？

現年28歲嘅川瀬もえ於2019年前都只係一名普通OL，後來簽約寫真界名門「01familia」開始作為寫真女星出道，身高168cm嘅同時以賽車女郎身份活躍於賽場，更曾贏得2021年日本Race Queen大賽嘅冠軍——你覺得呢段嘢好熟口面？係呀，因為我哋年頭先介紹過佢架咋其實。

但你又唔好以為再介紹佢因為佢我懶，事關我發現佢舊年原來有幫《Young Dragon Age》拍攝一輯寫真，其中一個Look正正就係大家熱話嘅瑜伽褲造型。就咁睇啲相，相信冇人會否認佢著瑜伽褲真係好正，所以「瑜伽褲好肉酸」呢個說法可謂不攻自破。況且一個「值得拍成寫真嘅主題」，依家有人著出街任你睇喎，你唔係應該同人哋講返聲多謝咩？

IG：kawasemoe