唔少日本水著偶像，都係參加週刊舉辦嘅選美比賽而出道，其中由《Young Magazine》及《週刊少年Magazine》舉辦嘅「Miss Magazine」，自從於2018年選出目前橫掃水著界嘅「沢口愛華」之後，就成為最受注目嘅水著選美比賽之一，而今日要介紹嘅，就係Miss Magazine 2021年總冠軍「和泉芳怜」！

和泉芳怜自細就有加人藝能界嘅志向，2015年嘅時候就以11歲之齡，以「田中芳怜」之名加入偶像組合「Beeすく～る」，但半年之後就從團體畢業，並加入著名經理人公司「東宝芸能」，再以「KAREN」之名加入偶像組合「PiXMiX」至今。但要數佢嘅成名作，就係2021年參加Miss Magazine奪冠，成為東宝芸能近37年來首位奪冠嘅偶像，並借此加入寫真界。

贏咗Miss Magazine之後嘅和泉芳怜接連登上日本各大青少年雜誌，下星期更會推出首本個人寫真集《可憐な芳怜》，相信人氣會再進一步。不過值得一提嘅係，和泉芳怜其實一啲都唔「可憐」，而且仲鬼咁鍾意笑，你睇佢啲寫真相幾乎張張都笑得非常燦爛就知啦——你話掛住望第二到冇留意到佢個笑容？咁你要碌返上去再睇多次啦。

IG：izumi_karen_