唔少男人都希望就係伴侶會服侍自己，最怕就對方要求自己好似對待公主咁服侍佢。而如果睇樣，今晚要介紹嘅呢位木村葉月睇落就似係後者，不過據佢自己講，其實佢係個「抖M」，而且係鍾意大叔嘅抖M少女！

雖然木村葉月今年只係22歲，但因為佢4歲就以童星身份出道，所以計落已經有18年演藝經驗。早期嘅佢除咗出演劇集之外，主要工作就係參加偶像團體，不過先後兩次加入「2代目の少女隊」及「FLOWLIGHT」都未算成功，更於2019年暫佛演藝事業，到今年參演改編自著名韓劇《梨泰院Class》嘅《六本木Class》，飾演一名惡女先再次受大眾注目。

木村葉月雖然只有152cm高，但精緻樣貌就為佢帶來公主氣質，再加上「惡女」角色令大家都以為佢現實生活中都係一個公主。但據佢於一個訪問中透露，其實自己係會「盡力服侍男友」嘅性格，甚至對方要求佢幫手除襪、著襪佢都非常甘願，連佢自己都承認係「抖M」性格。而且佢仲話自己鍾意年紀比自己大嘅男人，只要唔大過佢媽媽 (43歲) 佢都可以接受！真係令人產生非常多遐想呢！

IG：82ki_82ki