近年韓風大盛，唔單止韓國偶像於日本大受歡迎，唔少日本年輕人亦以「韓國出道」為目標。事實上如TWICE等多個女團之中，亦有日本籍嘅成員經由練習生出道。不過要數到「日本籍韓國練習生」嘅始祖，就一定要數以下呢位「南りほ」啦！

現年26歲嘅南りほ，出生自日韓混血家庭，所以佢於17歲時就加入後來推出TWICE及NMIXX兩隊，有日本籍成員女團嘅韓國經理人公司「JYP娛樂」，成為該公司首位日本練習生，更與同為日本人、後來嘅TWICE成員Momo及Sana份屬好友，據說至今大家都仲會保持聯絡。不過佢於JYP僅僅逗留2年半，就因為「想專心於日本發展演員事業」而退社。近年主要於日本發展，但久唔久都會出演韓國嘅節目及劇集。

或者係因為有韓國血統，所以比起其他日本女仔，「南りほ」睇落更似韓國人，但就食正依家嘅潮流而令人氣急升。而且雖然佢只有155cm高、體重只有37kg，但就因為身型比例好，所以睇落都唔算「乾爭爭」。近來佢更加為《週刊Playboy》拍攝出道以來最性感嘅寫真，大家又覺得點呢？

IG：minami.riho