唔少女士都認為，只要個女仔身材夠大男人就會覺得佢正。但我認為咁樣就未免將男人睇得太過膚淺——係，「大」的確係更易得到我哋嘅歡心，但如果只係得某部份「大」，其實並唔能夠滿足我哋。真正嘅「好身材」，係要大得黎個比例又要啱！咁所以以下呢位「名取くるみ」就應該好符合男人嘅審美角度？

現年26歲嘅「名取くるみ」，於2018年出道於藝能界，2019年9月推出第一隻個人寫真DVD，正式以水著偶像身份出道。不過要講到佢嘅成名作，就一定要數佢於2021年《Flash》舉辦嘅選美活動「Miss Flash」中獲得總冠軍，同年加入著名賽車女郎隊伍「Pacific Fairies」，再於同年嘅「賽車女郎大賞」中，入選新人部門嘅最終名單，令其名氣急升。

做到賽車女郎仲要拎到獎，你或者會以為名取くるみ係個身高170cm以上嘅高身長美人，但實際上佢嘅身高只有160cm，絕對稱唔上係高頭大馬。但就因為佢擁有D Cup上圍再加腹肌都出哂黎嘅纖腰，令佢睇落非常修長，難怪被日本傳媒稱為「奇蹟的黃金比例Body」啦！

圖片：_miru960616 on IG