相信講起「伊織もえ」，應該都冇咩人係唔識。號稱「世界最強大Cosplayer」嘅佢，於Twitter上有超過110萬追蹤、IG上亦有超過90萬Followers，又不時登上各大雜誌封面、拍攝寫真，同時又會定期打機直播，甚至跨界去演出電影、劇集做埋主持，話佢係最成功嘅Cosplayer都不為過。不過即便人氣有增無減，伊織もえ嘅社交媒體上依然係充滿清涼寫真照，數一數距離我哋上次介紹佢已經超過一年，咁就一齊黎睇下佢有咩新靚相啦！

另外如果要講起伊織もえ近一年最大嘅新聞，就係今年三月時佢被日本八卦雜誌《文春Online》爆出其實有個拍咗十年拖、近幾年開始同居嘅男朋友。據知男友係一名攝影師，雜誌更拍到佢哋拖手背影。而報導出街後，伊織もえ亦決定於Twitter上公開認愛，並表示男友係佢開始Cosplay前就認識，只係最後大家都搵到相關嘅興趣。

而且因為伊織もえ形象非常正面，亦從來冇講過自己單身等說話，所以雖然知道女神名花有主令唔少Fans傷心，但大致上大家都係繼續支持佢。

圖片：moe_five on IG