大家或者會知道，「Cyberjapan」係日本嘅一個舞蹈表演團體，佢哋嘅賣點就係所有成員通通都有健康小麥色膚色、身材凹凸有致。其中最出名嘅成員相信係渡辺加苗及渡辺加和兩姊妹，而緊隨其後嘅應該就係今晚要為大家介紹嘅呢位「HARUKA」啦！

今年26歲嘅HARUKA早於2017年，即係佢21歲時就已經參加「Cyberjapan」舉辦嘅「Bikini Night」而加入團體，但要再過多年半先由試用成員變成正式成員，但之後就憑其火辣身材而走紅，多次登上日本各大雜誌，展現其肥瘦適中、凹凸有致嘅好身材，去年更加推出個人寫真集，喺寫真界嘅成績比起前輩們都更好。

而且HARUKA相當多材多藝，佢由4歲開始就玩競技體操到16歲，所以練出一身軟體功夫；同時佢既有車牌又有電單車牌，所以喺佢IG會見到騎重機嘅美照；另外佢仲有醫療事務檢定一級、醫療秘書檢定三級、商業工作檢定2級、電腦能力3級及硬筆書法2級等多個專業執照。