雖然唔少女仔啦、啲咩感情專家啦都成日話女仔唔一定鍾意大隻、靚仔、有錢嘅男人，幽默都好受女仔歡迎，但大家眼見有幾多香港女仔係因為個男人「淨係幽默」就願意跟佢返歸？反觀日本靚女就似乎真係鍾意幽默嘅男士，唔少樣靚身材正嘅女星最後都情歸其貌不揚嘅搞笑藝人，最新嘅例子就有嫁咗畀「ゆってぃ」嘅「石川あんな」。

【ご報告】

お笑い芸人のゆってぃさんと結婚しました。今後は夫婦共々宜しくお願いいたします。

石川あんな pic.twitter.com/qvv9pfcTlI

— 石川あんな (@anna_iskw) April 1, 2022

ゆってぃ與石川あんな今日分別於社交媒體宣佈，二人昨日就已經註冊成為夫婦。認真去講，1990年出世嘅石川あんな，就唔算係當紅嘅寫真女星，近年亦大多係以通告藝人嘅身份亮相，不過出道初期的確係影過唔少寫真，亦有出過寫真DVD，當中就憑佢其中兩隻DVD個名叫《濡尻》同《A HIP》你都知佢嘅賣點喺個36吋嘅Pat Pat到啦！

另外佢亦都推出過多本電子寫真，而且全部都係「丈夫不在的人妻」、「學校保健室老師」、「高釵水著」呢啲大家熟口熟面嘅主題，可見佢能駕馭不同主題嘅誘人之處。再加162cm身高、34.5E上圍，以及近年努力做Gym練返黎嘅緊實線條，睇黎佢老公應該會好幸福啦。

圖片來源：anna_iskw on Twitter