日本水著寫真界人材輩出，每年都有大量新血加入，當中原因除咗日本本身嘅文化，令女生都以拍攝水著寫真為傲之外，更重要係每年都有唔同嘅水著寫真比賽，為業界帶來新血。好似今晚要介紹嘅呢位「大島璃乃」，就同早幾日介紹過嘅「辻優衣」一樣，都係由2021年「Miss Magazine」比賽中脫穎而出嘅水著新星！

現年21歲嘅「大島璃乃」出身於群馬縣高級紡織名城桐生市嘅桐生女子高中 (桐女)，桐女至今有過百年歷史，為當地唯一一間女子中學，而且校服乃係非常好睇嘅水手服，所以喺日本略有名氣。而大島璃乃一開始就係參選校內嘅校服模特兒而被經理人公司睇中，一年後就已經有機會參加電影拍攝，2018年高中畢業後就去到東京正式開始自己嘅演藝事業，目前嘅事業高峰就係2021年參加由講談社主辦嘅「Miss Magazine 2021」水著偶像比賽，獲得「審査員特別賞」。

身高153cm嘅大島璃乃自帶一股「品學兼優乖乖女」氣息，近來嘅一輯水手服寫真令人回想起中學暗戀過、敢遠觀而不敢褻玩嘅女神，但校服下卻包住能令男人失去理性嘅35-23-35好身材。希望佢黎緊可以喺水著界有更多作品啦！

圖片：oisland_rino25 on IG