以前啲女仔想出名，就可能要去參加選美，後來就可能係出寫真，然係就可能經營下FB、IG，到今時今日、特別係日本女仔就鍾意玩TikTok。好似今晚要為大家介紹嘅呢位日本網紅「まるぴ/Marupi」咁，就係靠TikTok紅起來而開始涉足水著寫真！

1999年出生嘅Marupi目前仲讀緊大學，自2020年尾就開始玩TikTok，然後就因為其可愛樣貌加上久唔久就當福利咁派出黎嘅好身材而成為話題，然後就被接連被日本《週刊Young Magazine》及《週刊Playboy》邀請拍攝水著寫真。雖然佢身高只要156cm唔算高，但33.5-25.5-34身材依然非常吸引，再加上佢非常溫柔嘅面容聲線，搵女朋友一定要搵呢啲呀！

嗱你唔好話我淨係睇樣就話人哋GF-able好膚淺，我仲有睇內在架！佢話自己好鍾意睇YouTube，而且由中學時期就已經好鍾意打籃球，亦係籃球部嘅成員之一；另外佢IG早期個名係「Marupi_Baseball」，而佢喺自己嘅YouTube影片就話係因為當時好鍾意棒球！咁你諗下佢啲愛好咁男仔，但外表又咁女仔，仲唔係最好嘅女朋友人選？

IG：marupi_8989