乃木坂46成員「新内眞衣」上個月正式畢業，結束長達九年偶像生涯邁向全新一頁，貼心嘅佢就喺離隊前出咗本個人寫真集，為支持多年嘅Fans留下美好回憶。

今年30歲嘅「新内眞衣」早於2013年加入乃木坂46，由於起初係一邊做OL一邊做偶像，所以又被媒體稱為「OL兼任的偶像」，而且仲要持續咗4年先辭去全心專注於偶像事業，確實係一個時間管理大師。除咗偶像活動，期間亦擔任過時尚雜誌《andGIRL》及網媒《Oggi.jp》常規模特兒，並擁有豐富主持經驗，係團內嘅大姐姐。隨住年齡步入3字頭，佢喺上年就宣布將於今年畢業踏上全新旅程，同時發行第二本個人寫真記錄成熟性感嘅一面，以泳衣及內衣造型大曬迷人身段告別Fans。