學黃子華話齋，你落咗妝我仲認得你嗰啲叫化妝，你落咗妝我唔認得你嗰啲叫喬裝，但偏偏好多女仔就以化到個樣唔似自已為目標，甚至好大方咁同大家分享喬裝技巧。就好似日本寫真界新星「田向星華」咁，就唔介意拍片紀錄自己由素顏到全妝嘅過程。

2001年出生於大阪府嘅田向星華係日本「Gal系」雜誌《Nuts》嘅專屬模特兒，自己亦有經營Youtube頻道分享生活日常及化妝技巧等，其中更有幾條佢自己都叫做「整形級」嘅化妝片，作為一個麻甩佬睇完，簡直係打破咗我對女性個樣嘅信任。但要注意嘅係，其實田向星華素顏時個樣都唔差，睇佢為《週刊Playboy》拍攝水著寫真時嘅 (相對) 淡妝其實亦非常可愛，再加上166cm身高以及火辣身材，其實…或者…唔使喬裝都OK呀？

圖片：seika____official on IG、seika_tamukai on Twitter