前HKT48王牌成員「兒玉遥」，曾經係備受力捧嘅新世代成員，但後來因為健康原因而退團單獨發展，以演員身份活躍於藝能界，甚至嘗試挑戰性感路線...

今年25歲嘅「兒玉遥」自細就嚮往成為偶像，於是15歲嗰年就膽粗粗參加HKT48選拔，結果成功以一期生身份正式出道，憑住清純形像深得Fans喜愛，一直都係隊中嘅人氣成員，但後來喺2017起因為健康理由而停工，並係2019年正式畢業，結束八年偶像生涯。

畢業後嘅「兒玉遥」目前主要以演員身份活動，電影、日劇、舞台劇都有所涉獵，最近仲為雜誌拍咗一輯性感內衣寫真添，並係社交媒體大派福利，即時引嚟大量Fans狂Like，期待佢日後會更多作品喇。