一提到日本人氣Coser，大家可能即刻諗起「Enako」或「伊織もえ」，但人才輩出嘅Cosplay界又點會只得兩位美女？今日就同大家介紹一位同樣極具人氣，金色短髮美女Coser「篠崎こころ」。

今年28歲嘅「篠崎こころ」早喺2013年加入女團「プティパ -petit pas!-」出道做偶像，解散後就一直活躍於Cosplay、寫真、Model、電影、DJ多個領域，非常多才多藝。除此之外，佢亦係一名雙性戀者，纖瘦小巧嘅身材加上搶眼嘅金色短髮，無論可愛定型格造型都難佢唔到，成功獲一眾男/女Fans芳心，有興趣嘅朋友就要留意吓喇。