正常嚟講，Fans們見到自己鍾意嘅網紅能夠推出首本個人寫真固然開心，之不過今日介紹嘅「得丸あゆみ」就搞到Fans們又悲又喜，事關佢喺上年首推個人寫真集時就表明「只此一次」，之後唔再以性感造型示人。

出生於1989年嘅「得丸あゆみ」，起初只係一個普通Model，直到大約7年前開咗Instagram同TikTok，並周不時大派福利展現誘人高挑身材，漸漸累積到唔少人氣，兩個平台加埋總共多達60萬位Fans。佢喺上年年底更加殺入寫真界推出首本，同時係最一本個人寫真集，並以自己藝名「得あゆ」命名以作紀念。

正當Fans們仍期望「得丸あゆみ」有朝一日會反口嗰時，佢喺今年初就宣布結婚兼生BB，似乎瞬間解釋晒點解佢出寫真同封胸，所以大家應該就再冇機會睇到佢嘅新作喇。

資料來源：instagram@tokuayu819、twitter@tokuayu819