{ SKIP }
文:MenClub 魏文青  
POSTED ON 23 Nov 2021

講起性幻想,大家都可能會覺得係因為「得唔到」所以先要幻想,不過美國性學家Lehmiller博士最近就整理出美國人最常有嘅「性愛地點」幻想,發現其實最常見幻想地點,其實亦係最平常嘅地點。

今次同上星期分享過嘅「制服幻想」屬同一系列,都係Lehmiller博士用佢之前收集嘅超過四千名美國成年人嘅資料整理出黎,實際問題非常簡單,就係問受訪曾經幻想過喺咩地方做愛 (可複選)。結果發現,最多人幻想過嘅性愛地點就係「自己張床」 (91%),其次就係「自己屋企,但唔係睡房嘅地方」 (90%),第三名就係「酒店房間」 (90%),其實都係非常合理、而且絕對可行嘅做愛地點。

而頭十名中仲有「大自然」(85%)、「公眾地方」(84%)、「異國情調 (Exotic) 的地方」(83%)、「水中」(83%)、「浪漫氣氛的地方」(81%)、「汽車中」(77%)以及「工作地點」(73%)。 

Lehmiller博士分析,指「自己張床」之所能夠榮登榜首,正正就係因為佢係大家最熟悉、最有安全感嘅地方,而且就係因為大家平時做愛都係喺自己張床,所以幻想時亦會用自己張床黎做場景。證明「幻想」呢家嘢唔係要做大家未做過嘅嘢,反而係複製緊大家平時做開嘅嘢。

另外Lehmiller博士亦進一步分析性愛地點幻想與依附模式 (Attachement Style)嘅關係。據佢講,擁有焦慮依附特徵 (Attachement Anxiety,即係經常害怕被拋棄,不停需要安全感) 嘅人,就更傾向幻想於自己張床上做愛;反而有迴避依附 (Attachement Avoidance,顧名思義啦下) 嘅人就相反。

當然,必須要留意嘅係上述調查係複選,亦即一個人可以同時揀「自己張床」同「工作地點」,只係「自己張床」係最為常見咁解,所以唔能夠單憑一個人幻想喺自己張床做愛就話佢係「焦慮依附」。大家又對邊個地方有幻想?

資料來源:sexandpsychology.com

《射雕英雄傳》中,自從郭靖學識降龍十八掌之後,無論面對任何花招佢都係一掌推埋去搞掂,說明只要擁有絕對實力,就唔需要啲咩奇技淫巧,亦即所謂「一力降十會」。點解我要喺深夜系列同你講武俠小說?因為我喺今晚要 ...
girls
【深夜】一力降十會 100cm「白川のぞみ」實力深厚
17 Sep 2025
女團成員出寫真唔係啲咩新鮮事,尤其係有返咁上下資歷而且又啱啱退團嘅偶像,就更有機會推寫真黎衝下人氣。好似今晚要介紹呢位前AKB48成員「中西智代梨」咁,就喺短短5個月內出咗兩本寫真,其中本月初推出嘅,更號稱 ...
girls
【深夜】前AKB「中西智代梨」推新寫真 全本露出度「水著以上」
15 Sep 2025