喺日本藝能界，身材嬌小但上圍豐滿嘅女仔一向備受歡迎，如果仲識得又唱又跳，自不然會吸引唔少男士眼球，就好似今日介紹嘅「根本凪」。

今年22歲嘅「根本凪」早喺2013年就出道做偶像，但後來因為一邊讀書一邊出Show太過辛苦，所以做咗一年就退團。之不過佢冇因此而放棄做偶像嘅夢想，休息咗一排就加入咗另一個偶像團體「彩虹征服者」重新出發，喺2017年更兼任埋「電波組.inc」成員。

雖然「根本凪」自加入「電波組.inc」後就開始走紅，但令佢真正備受關注嘅莫過於一系列性感寫真相，憑住嬌小得嚟但上圍非常豐滿嘅身材吸引大量「妹控」Fans，隨即成為團內寫真擔當，近年仲同隊內另一位成員「鹿目凜」組成性感二人組「ねもぺろ」，孖住一齊拍咗好幾輯相，有機會再同大家介紹埋另一位。