近年運動風氣盛行，加上愈嚟愈多24小時健身室，吸引到唔少朋友紛紛投入健身行列。我就好支持呢股風氣嘅，一嚟做運動可以強身健體，二嚟可以令身形更加好睇，唔信你睇下嚟自日本，同樣熱愛健身嘅「新海まき」。

今年23歲嘅「新海まき」起初以Model身份出道，曾經加入過女團「P.IDL」做偶像，幾經轉折後成為寫真女星，憑住超Fit嘅身材齋喺今年就上過6次雜誌，出過2套數碼寫真集，TikTok更加有成19萬個Followers。

老套啲講句，身材呢家嘢真係“No Pain,No Pain.”。「新海まき」曾經喺訪問透露過，佢每個禮拜都會去健身室5-6次，另外仲有玩普拉提（Pilates），起初健身只係出於興趣，但後來發現身材愈嚟愈好就覺得呢個運動令佢好有成就感，而且普拉提仲可以幫佢改善埋姿勢，影相嗰陣更加靚。