試食布丁的天木醬畫面只見Duang Duang Duang

文：MenClub 魏文青　　圖：互聯網
POSTED ON 04 Apr 2015

「Duang」者，大陸最新潮語也，讀音為「都話硬」切(即係係好快咁讀「都話硬」三隻字)，形聲字也。話說2014年大陸出咗個奇葩「歌手」龐麥郎，佢就有首洗腦歌叫「我的滑板鞋」(<-運結) ，之後有網民發現首歌同2004年由成龍代言嘅洗頭水廣告可以完美配搭出「我的洗髮水」，於是歌同廣告都再次爆紅，其中廣告中成龍的一句「Duang」更加風靡一時！

好啦，明明標題就話有天木醬，搞咩我用咁多字解釋咩係「Duang」呢？原因就係除咗呢個字，我已經搵唔到其他字可以形容以下呢個畫面。

係咪好「Duang」呢……舊布甸！「咩話！？布甸？」我都知你班友仔肯定搞錯哂個重點架啦！人家天木醬乃係出演日本節目「ランク王国」，介紹「日本布甸」排行榜架！你哋個重點放咗喺邊先得架！

日本深夜節目「掛羊頭賣胸部」就唔係咩稀奇事啦，加上天木醬啱啱先由秋葉原地下組合「仮面女子」卒業，睇個勢就係正式成為寫真女星，咁樣樣黎打響頭炮，我覺得就幾有誠意。唯一要挑剔嘅就係對啲布甸好唔公平咁囉！全片(<-連結)