隨住東京奧運進行得如火如荼，愈來愈多人關注外貌與實力兼備嘅運動員，除咗場上一眾頂尖選手之外，就連無緣參加奧運嘅選手都有份！最近有日本討論區就廣為傳一段跳遠比賽片段，後來發現原來係新晉田徑選手「小玉葵水」。

今年21歲嘅「小玉葵水」就讀日本東海大學北海道分校二年級，從大一開始已經以校園選手身份參加國家級跳遠賽事，起初都係成績平平，但憑住努力不懈鍛鍊，最終2020年喺「日本学生陸上競技選手権大会」以6m04成績獲得跳遠第2名。雖然同國家級選手仲有一段距離，但佢仲咁後生肯定仲有大把機會嘅！

除咗有實力之外，「小玉葵水」嘅甜美樣貌加上超強腹肌亦為佢帶嚟唔少關注，就算IG冇咩個人相都有成6.5萬人追蹤，以下係佢兩條比賽片段，唔知大家係咪同我一樣至少Loop咗10次以上。