嚟到東京奧運第6日，多個項目都陸續誕生獎牌，甚至有運動員已經完賽回國。今日同大家介紹一位烏克蘭柔道少女，首度參戰奧運就勇奪銅牌嘅Daria Bilodid。

今年20歲嘅Daria Bilodid出生於柔道世家，父母都係柔道運動員，阿爸甚至係兩屆歐洲柔道冠軍得主，自不然細細個就開始接受柔道訓練。自2017年成為正式運動員開始就有著輝煌嘅戰績，曾創下全年不敗紀錄，所以比賽前就已經係烏克蘭奪牌大熱人選，最終佢亦不負重望，喺柔道女子48公斤級斬獲銅牌。

由於Daria Bilodid得48kg同時又有172cm高，所以擁有名模般嘅身材比例，尤其係佢個對超級長腿，更成為比賽時所使用嘅「武器」，經常透過長腿優勢緊緊鎖死對手，大家係咪都睇到想畀佢夾下呢？喺場外，Daria Bilodid出眾嘅實力同埋近乎完全嘅身材比例，亦吸引到唔少Model公司垂青，不過佢都通通拒絕，將精力集中返喺運動事業上，對運動咁有熱誠，難怪年紀輕輕就有咁好成績！

資料來源：instagram@dariabilodid7