由於過去一排深夜系列都係介紹日本女仔，今日就同大家重溫有「小謝金燕」之稱嘅台灣美女「舒子晨」。尤其依家炎炎夏日，最好就係睇返啲「清涼」靚女降下火，不過唔排除大家會愈睇愈㷫烚烚！

舒子晨原名為陳盈穎，英文名就取自法國電影《Nikita（墮落花）》，一聽就感覺到有幾野性艷麗。曾經係綜藝節目《大學生了沒》固定班底，因為模仿謝金燕而爆紅，除咗跳起舞上嚟同樣性感誘人，加上有一對超長美腿，所以又被網民喻為「小謝金燕」。走紅後參加過選秀節目《超級模王大道2》，又出過寫真集、拍廣告、擔任節目主持、就連電視劇同電影都有所涉足，可以算得上係多元發展藝人。

雖然子晨喺幾個月前正式步入3字頭，但因為經常做運動同埋鍾意跳舞，身材依然Fit到爆，絕對唔輸蝕畀啲20出頭嘅妹妹，相信如果唔係我提年齡，大家都估唔到佢已經3字頭！

資料來源：[email protected]、facebook@舒子晨Nikita