由「范爺」范冰冰主演兼製作嘅《武媚娘傳奇》，就算大家冇睇過，都一定記得佢因為劇中女角谷胸同露胸都太犀利「被停播」4日，重播之後無論遠景近景、全身半身，總之見到胸嘅通通都變哂大頭嘅奇事。

當你以為大陸廣電局對一套又高視又高成本嘅重頭劇都咁狠心，佢哋一定係做哂道德塔利班之際，近日佢哋播出嘅《體育人間》就由於尺度大開，令一眾《武媚娘粉絲》大喊冤枉！

由於各個參加者都著自選泳衣，於是露出度亦比一般包得頗為密實嘅選手黎得高。再加上央視嘅奇妙拍攝角度，本來推廣冷門運動嘅好事就變哂味。有人話節目不如改名做「天上人間」，同時亦都有人為「范爺」申冤，話《武媚娘》露得好睇就變哂大頭，呢班人賣弄色情就繼續波大過頭喎！

但計我話，央視嘅死罪唔係佢比啲參賽者露幾多，而係佢搵啲咩參賽者黎露！