香港地好多女仔都一味追求瘦，以為瘦到皮包骨上圍縮晒水先叫做靚，著衫先好睇，但其實比起骨感女仔，唔少男士更偏愛有條線嘅肉感身材。今日介紹嘅「磯山さやか（磯山沙也加）」就曾經憑住豐滿肉感身材喺寫真界走紅，如果你都鍾情於呢種身材，咁就啱晒你口味啦！

今年37歲嘅「磯山さやか」，讀緊高中二年級嗰陣參加試鏡活動脫穎而出，2001年正式出道，首次拍劇就客串人氣日劇《律政英雄》其中一個高中生，同年更推出首本個人寫人集及DVD。除咗拍寫真之外，佢亦憑住高中時期做過棒球部經理人嘅經歷，擔任過棒球賽事電視及電台節目主持人，期後就連唔係棒球嘅體育節目都有佢份。

相比起日劇及電視節目演出，佢喺寫真界成績就亮眼好多，喺2000年代憑住F Cup誘人肉感身材收獲大量粉絲。不過隨住年齡增長，佢從當年主打青春活力嘅肉感妹妹，漸漸變成輕熟肉感御姐，亦少咗拍寫真集，近年主要喺綜藝及日劇界發展。雖然話就話係御姐，但佢臉上嘅baby fat令佢睇落後生咗唔少，至少睇唔出已經30尾。

資料來源：twitter@sayaka23isoyama、instagram@sayakaisoyama