開講有話「乳不巨何以聚人心」，由其係寫真界呢個競爭激烈嘅市場，唔單只聚唔到人心，更會聚唔到人氣，身材稍為唔夠凸出就好容易俾人比下去。而今日介紹嘅「原幹恵」，當年就站得著腳，更差唔多每年都出幾套寫真，十分之高產。

今年33歲嘅「原幹恵」，自細就夢想成為一名演員，所以喺2003年以16歲之齡膽粗粗參加著名選美大賽「全日本國民美少女比賽」，雖然就拎唔到冠軍，但就獲得寫真賞，從此加入藝能界。直到2005年推出首本個人寫真，以驚人G Cup上圍收獲唔少粉絲，期後更火力全開，瘋狂出寫真集同寫真DVD，至今共有12本寫真以及40幾張DVD。

「原幹恵」喺寫真界走紅後，就開始有片商邀請佢出演日劇及綜藝節目，而佢都如願以償成為一名演員，先後主演過日劇《孃王》、《甜心戰士 THE LIVE》，以及《幪面超人Fourze》劇場版電影。不過佢就喺2018年以出國留學進修為由，宣布暫時一切娛樂事業，未知幾時會復出，甚至直到上年年底先重新開返個Instagram帳號。