今年20歲嘅牧野真莉愛，從13歲起加入日本女團「Morning娘」成為12期成員，愈大就愈靚女，憑出眾樣貌及身材多年嚟俘虜咗唔少粉絲。除咗女團事業，佢喺15歲嗰陣已經推出首部個人寫真，直到現時年僅20歲就總共拍咗7本寫真，接近一年拍一本，非常高產，可以話係Morning娘嘅「寫真擔當」。

牧野真莉愛喺18歲生日當日推出第5部寫真集慶祝高中畢業及生日，該寫真集專程遠赴古巴取景，喺陽光明媚嘅古巴沙灘上著住Bikini大曬初熟胴體，盡顯青春活力，當時寫真推出後人氣急升，曝光率遠高於隊長譜久村聖。

2019年高中畢業後，牧野真莉愛近年全力向演藝圈發展，奈可遇上疫情，Morning娘上年大部份活動都被迫消取。但佢無因此而偷懶，仍然努力練歌等待疫情緩和後再次演出。