相信有睇開日劇嘅朋友對吉岡里帆絕對唔會陌生，出生於京都今年28歲嘅吉岡里帆，細細個就成日睇劇組拍劇，加上父母都係從事影視製作相關職業，所以自細對演藝界產生濃厚興趣。高中開始去演員養成所上堂，同時又自發拍下片，升讀大學後更經常參加試鏡活動，即使每次試鏡都要從京都花8個鐘車程去東京亦在所不辭。

捱咗幾年，終於喺2013以演員身份出道獲得戲劇演出機會，隔年更進軍寫真界，憑清純可愛外表漸漸走紅。累積唔少人氣後，為吉岡里帆帶嚟唔少機會參演電視劇及綜藝節目，曾參演過幾部知名日劇《千年派又如何》、《達文西女醫團》、《四重奏》、《對不起，我愛你》等，唔知大家又睇過佢邊部作品呢？

吉岡里帆除咗識做戲，仲係一個多才多藝嘅女仔，擁有書道八段資格同識吹Saxophone。

吉岡里帆成名後就收起性感無再拍寫真，更曾揚言表示自己討厭拍寫真，但隨著近年人氣回落，所參演嘅劇集收視仆直，佢又走返出嚟拍寫真，希望藉此挽回人氣。