熱門寫真女星就介紹得多啦，今日就同大家介紹一個「冷門」但身材火辣嘅水著新人。今年23歲嘅「桜田茉央」，細細個已經嚮往加入演藝圈，喺高中就開始參加試鏡選拔，可惜未被睇中，仲比父母發現而鬧咗獲，只好繼續讀書升讀大學，修讀建築設計系。但佢從未放棄過做藝人嘅夢想，讀緊大學嗰陣參加《Miss Magazine 2019》選美活動，勇奪「審査員特別賞」脫穎而出，就此進軍寫真界。

桜田茉央成熟外表加上F Cup上胸獲得唔少曝光率，仲要拍開嘅都係水著寫真，大曬青春胴體。除咗拍寫真，佢亦攻讀緊日本二級建築士資格，有知識又有身材，並唔係「波大無腦」㗎。

桜田茉央曾經喺一次訪問入面表示好鐘意睇荷里活電影，從而驅使自己都想成為演員，正若練緊英文，希望日後有機會衝出日本咁話。