以前我哋會話有圖有真相，但依家大家都知有圖都未必有真相，事關隨住科技發達，P圖已經成為每個女仔必備嘅生存技能，P到完全唔似自己嘅亦大有人在。而今晚要為大家介紹嘅呢位「原かれん」，就自稱係一個「詐欺級嘅P圖大師」！

圖片：karen_hara315 on Instagram

今年19歲嘅「原かれん」乃係日本偶像團體NMB48嘅成員之一，身高接近170cm嘅佢擁有一雙白滑長腿，再加上可愛嘅樣貌，令佢多次被《週刊Playboy》等日本青少年雜誌邀請拍攝寫真。而據佢自己所講，佢嘅特長有兩個，一個係「擅長估出犯罪電影嘅兇手」，另一個就係上面有提到嘅「詐欺級嘅P圖大師」，不過睇返佢自己IG啲相，同雜誌寫真嘅相又唔算差別好大——定就係因為佢P完都唔覺得佢有P，所以先係詐欺級呢？

圖片：karen_hara315 on Instagram