大家有睇過以前啲破解變魔術嘅節目，應該都有印象舞台魔術嘅其中一個掩眼法，就係搵幾個樣靚身材正嘅性感女助手掩掩揚揚分散大家嘅注意力。咁如果個魔術師本身就已經係個樣靚身材正嘅性感女魔術師，即係以下呢位「御寺ゆき」，咁大家又覺得會睇得更集中，定係更分心呢？

圖片：terashi1220 on Instagram

卻說今年25歲嘅御寺ゆき曾經跟日本著名魔術師學藝一年，但後來就因為同師傅吵大鑊而離開，然後一個華麗轉身加入專出水著寫真女星嘅經理人公司「01Familia」，出道第一組寫真就係《週刊Young Jump》嘅封面，之後就繼續以「美女魔術師」之名活動，IG上除咗清涼寫真，亦有性感魔術師打扮，令一眾男Fans唔使學都識得出「變大變大變大」魔術。

圖片：terashi1220 on Instagram

不過近排佢就因為衣著而闖禍——唔係因為佢著得太少，係因為著得太多。卻說早前御寺ゆき舉行魔術表演，以佢一貫作風，觀眾們入場主要都係睇佢著得有幾性感，但結果佢就皮衫皮褲包到實咁出現，令觀眾頓感被騙。最後佢仲要上電視節目道歉，連主持人都話佢咁樣唔要得。香港嘅大家就冇被佢呃嘅福氣啦，唯有睇下佢IG嘅靚相啦。

terashi1220 on Instagram