隱藏Condom領帶（請自行配上叮噹法寶聲）

元華都教落，再做個負責任嘅男人，就一定要做足安全措施！但正所謂「天有不測之風雲，人有霎時之＿痕」，萬一你好似新年期間對情侶咁，去到大角咀老人社區中心突然想搞嘢，但新年流流又冇帶套喺身你話幾咁「呢Hea」！呢個時候你就需要呢條可以收埋個應急Condom嘅「隱藏Condom領帶」，解你燃眉之急之餘仲易著易襯，啱哂你Gentlemen嘅身份！上面嘅花紋仲係SOD旗下各個片商，例如你鍾意麻美由真，就可以買返條S1、鍾意吉沢明步就可以整返條Moodyz，幾貼心！

AV女優紙巾

睇AV，除咗要有AV，仲有啲咩要準備？當然係紙巾！而有咩紙巾牌子應景得過SOD？呢盒SOD紙巾係咪特別堅韌我唔知，係咪特別衛生亦唔係重點，但淨係賣個Feel都殺哂你啦！仲有埋目前SOD兩大新人「松岡ちな」和「麻宮まどか」做包裝，盒底又有性感照，定力唔夠隨時連個盒都未開到就已經要用紙巾！

13.5cm原子筆

呢支筆功能上除咗唔知點解會有盞LED燈之外係冇任何特別嘅！但「惡魔在細節」，呢支筆特登整做13.5cm係有原因嘅！因為根據SOD，「13.5cm」就係日本男士的陰莖平均長度，換言之你只要拎支筆埋鏡併併，就知自己係屬於平均之上定之下，絕對童叟無欺！又或者你可以惡趣味啲，張支筆借畀鍾意咬筆嘅秘書Michelle，等佢一路做嘢一路咬呢支同日本男性陰莖平均長度一樣長嘅筆…嘩…係咪諗落都……變態呢？

妄想浴鹽

之前都有介紹過日本出嘅「奇怪香水」，又腳臭又聖水又盛。不過SOD出嘅呢啲浴鹽緊係冇咁變態，都只不過「吹奏部女X生的髮帶香」、「剛生完小孩的年輕人妻胸罩香」和「吃完午飯的OL鮑魚香」咋嘛！好正常呀！