好多女人以為，只要男朋友見到其他大隻仔嘅相，就會好有動力去做運動，我可以好有信心咁話你知，如果係嘅話你要擔心嘅唔係男朋友嘅身型，而係佢嘅性向。因為會令到男仔有動力做運動嘅相，從來都係Fit嘅靚女！好似呢個「JoeyTng」咁，相信大家就好想同佢一齊做運動啦！

據知來自大馬嘅Joey今年已經27歲，但睇佢嬌嫩嘅皮膚、燦爛嘅笑容，你話佢17歲我都會信。之所以睇落咁年輕，其中一個主要原因係佢鍾意做運動，據佢所講，自己16歲開始被父母逼去做瑜伽，雖然好辛苦想放棄，但錢又畀咗冇理由唔做，結果做下做下發現運動嘅好處，就沉迷咗。所以雖然佢正職係個空姐，但係睇佢個ig全部都係付做運動，仲有開Youtube教人做架！大家都跟住學啦喂……唔係叫你淨係郁隻左手呀！