雖然我咁多年黎同大家介紹過唔少台灣美女，唔少都喺網上有一定人氣，但大家或者會留意到，真係好紅嗰啲我反而唔會介紹，因為我估大家都可能有睇開啦嘛！但近排我就睇到一單新聞，令我決定要為大家介紹一下呢位「Vivian 謝薇安」！

今年26歲嘅Vivian本身係一名台灣網拍模特兒，憑其F Cup身材、165cm身高以及標緻嘅面孔快速累積人氣，個人IG經營短短幾年已經有200萬人Follow，更曾經試過一年暴增130萬，可見佢有幾受歡迎。但原來佢19歲時就已經同大佢12年嘅老公結婚，仲生咗個仔，因為身材驕人，當年哺乳期時「產量」奇高，據佢接受台灣媒體訪問時指，自己一日可以擠出3000cc人奶，多到可以分畀朋友同大嫂，高峰時期一個人餵飽緊五個小朋友，令佢「體會到乳牛的辛苦與無助」。

有心理學家認為，男人之所以鍾意有豐滿乳房嘅女性，其實係下意識中想確保下一代有足夠食物，以前我就唔信呢句嘢嘅，睇完Vivian呢個Case我就信啦，一定係咁啦！