如果你去睇港女們的FB相簿，或者Instagram，你會發覺佢哋主要係分成兩類人：第一類，「完全唔見人」型，即係成個FB同Instagram，一係就冇相嘅，一係有相但從來都冇自己個樣嘅。當你見到佢成個相簿都係花草樹木各地景色嘅時間你就忍唔住會諗：「呢條友嘅真正身份，究竟係咪《瞬間看地球》啲鏡頭黎嘅呢？」

第二類，是瘋狂自拍型，即係成個相簿都係自拍嗰啲呢！自拍都有分好多種，有單人雙人多人、場景可以係室內室外樓下同床上、道具可以係動物食物衫褲鞋襪仲有其他乜乜柒柒，但無論點，張相都一定佢個樣係到！

通常呢啲女仔都係自以為靚女黎，但係靚女睇得多都會悶架嘛！你嘢嘢自拍都係嗰啲Pose好冇新鮮感架嘛！喺呢個時候作為一個負責任嘅好男兒，就要比啲靈感佢！就例如學下日本呢個「寫真女星自拍部(グラドル自画撮り部)」咁同日本PLAYBOY旗下的《周プレ》合辦的「自拍選舉大賽咁」，你睇人哋啲Pose幾咁大膽、幾咁創新；你又睇下人哋啲服裝，幾咁大方、幾咁有心機先得架！要學下人哋架嘛！