{ SKIP }
文:MenClub 魏文青  
POSTED ON 29 Jan 2018
皇馬球星C朗踢波又勁、人又靚仔又有錢、相信係唔少女仔(及男仔)夢寐以求嘅另一半,如果有一日佢喺Instagram上傳訊息畀你,你就算唔受溝都應該唔會狠狠拒絕。但根據英國《太陽報》嘅報導,有一位英國美女多年來一直拒絕C朗嘅熱烈追求,最後更出動到未婚夫「禮貌地警告」C朗先乖乖收手!

呢位美女就係性感內衣模特兒Rhian Sugden。據報Rhian係喺C朗於英國效力曼聯期間,由於經常於酒吧、夜店碰面而與其認識,後來C朗於2009年轉會皇馬,就改為不停於社交媒體上以訊息「轟炸」Rhian,除咗叫女方Facebook打畀佢同要求佢提供私人電話之外,更加問女方「幾時想生仔」。如果Rhian係一般女仔,大概會用即刻除哂衫用棉胎包住自己再速遞去西班牙接受C朗「濃濃的愛」,可惜佢唔係——準確啲黎講,佢係個有男朋友而且好忠心嘅女仔。

Rhian嘅男友係英國演員Oliver Mellor,二人自2013年開始一齊。雖然時間上係認識C朗在先,但Rhian對Oliver相當忠心,據報佢仲多次向C朗明示暗示自己有男朋友,甚至講到明「我唔覺得我男友會准我在晚上11時跟你說話」,可惜C朗保持佢喺球場上一貫嘅堅毅,完全冇退下嘅意思。最後要Oliver出動Send咗個「禮貌的」訊息叫C朗收手,C朗先冇再同Rhian聯絡。

Rhian Sugden(@rhiansuggers)分享的貼文 張貼

Rhian Sugden(@rhiansuggers)分享的貼文 張貼

Rhian Sugden(@rhiansuggers)分享的貼文 張貼

件事有幾個睇法嘅,首先我哋當然要讚揚Rhian對男友嘅愛,「花生友」們亦可以暗地裏嘲笑C朗食咗好大碗閉門羹,但作為一個男人,我給予C朗更多嘅係同情——你睇Rhian啲相,你有機會你都會咁做啦!
The Sun
唔怪得巴西電競發展得咁蓬.勃!
girls
巴西火辣電競主持 Nyvi Estephan
19 Nov 2018
有得揀,每個男人都希望可以左擁右抱,而你話有啲咩比起能夠同時得到一對姊妹花嘅垂青更令人興奮?就係得到一對又靚又吸引嘅姊妹花垂青嗱日本近日就冒起咗一對符合以上條件嘅姊妹啦! エリカ(Er ...
girls
日本最新姊妹丼 Erika、Marina!
17 Nov 2018