韓式俄妹「Russian Goddess」Angelina Danilova

文：MenClub 魏文青　　
POSTED ON 16 Aug 2017

好一段時間之前，市面上曾經出現過一個「韓式」熱潮，即係無論係賣啲咩產品、咩服務，加「韓式」兩個字喺開頭就好似係高級啲、靚啲、吸引啲咁嘅。咁如果加「韓式」呢兩個字喺一個俄羅斯女仔嘅開頭，又會得出啲咩呢？

來自俄羅斯聖彼時堡、目前喺韓國發展緊嘅Angelina Danilova就係一個「韓式俄妹」。今年20歲嘅佢因為鍾情韓國嘅文化、音樂同食物，所以就去咗韓國發展，憑住其178cm身高、洋娃娃一樣嘅外表，好快就得到韓國網民追捧，後來仲成為綜藝節目嘅固定嘉賓成功入屋。不過佢自己就話唔太鍾意大家只係留意到佢嘅外表，仲話唔Care人哋覺得佢靚，反而想人家留意到佢有才華、笑容好有感染力喎。

目前佢就努力學緊韓文，睇黎都真係好想喺當地發展落去。你估有冇俄羅斯女仔會想喺香港發展呀啦？
angelinadanilova on Instagram