{ SKIP }
文:MenClub 魏文青  
POSTED ON 20 May 2017
相信每個男人喺年青時都一定有經歷過唔小心睇到女同學內衣嘅場面,依家請你用三秒鐘回想一下當時嘅情景,準確啲黎講係回想下個女同學當時究竟著咩色嘅內衣?個答案,好有可能係黑色。而你有冇諗過,點解自嗰次開始,你見到女仔著黑色嘅內衣就會覺得佢特別性感?


最有可能嘅原因,或者就係因為我哋青少年時、當情慾感覺發展得最快嘅年代,親眼見到嘅內衣多數都係黑色。又唔係話所以女同學都係著黑色,而係因為黑色內衣同白色校服嘅反差最大,所以著黑色比較易被我哋睇到。而又因為易睇到,我哋就會覺得個女仔係預咗著畀人睇先著黑色。久而久知「黑色內衣」就等如「主動引誘」——哪怕我哋大個知道人家未必咁諗,但呢個聯想都足以令我哋興奮一輪。


另一個比較文化啲原因,係黑色令人聯想到神秘同夜晚。而喺西方國家就更多一種意義,「寡婦」。有指維多利亞時期社會要求婦人守節時穿著全身、由內到外嘅黑色,但又因為寡婦自由度比起其他婦人為大,可以於黑色服裝上打扮、吸引異性,所以黑色就與「性感」拉上關係。再加上後期電影、電視嘅影響,著黑色嘅女性就成為強勢、主動、壞女孩嘅象徵,自然就吸引到男性去「精」服啦。


雖然黎到今時今日,內衣都唔係啲咩難得一見嘅「衣物」,但見到著黑色內衣嘅女性,依然會興奮難耐——呢方面你依家感受就最深啦!


大家有無試過因為同一時間經歷好多事,所以即使實際時間唔係過咗好耐,但體感時間就長得多嘅錯覺?我每次見到今晚介紹嘅呢位「菊地姫奈」時,都會有呢個感覺。事關佢自出道以黎,就一直雄據各大雜誌嘅寫真版位,作品 ...
girls
【深夜】出道五年成「令和完售女王」!「菊地姫奈」戰力驚人
28 Nov 2025
日本各大青少年雜誌嘅寫真版面,係一眾寫真女星嘅主戰場。但由於僧多肉少,加上要為讀者提供新鮮感,哪怕寫真女星再紅再受歡迎,都好少會於短時間內出現於同一本雜誌之上。而今晚要介紹呢位「福田ひなた」就係當中嘅 ...
girls
【深夜】「可憐」偶像處女寫真大紅 「福田ひなた」破紀錄最速回歸
26 Nov 2025