相信好多男士都體會過「人帥真好」呢件事，同一種景況，靚仔做出嚟就會有不同效果。比如同樣唔出聲，靚仔就係Cool，醜男就係玩自閉；同樣背心短褲人字拖，靚仔就係率性有型，醜男就係7咁簡單。可能你會覺得︰唔會嘅，幻覺嚟架啫，嚇我唔到嘅！咁 你 就 錯 了 。因為呢件事真係有科學根據，笨唔係幻覺！

美國東肯塔基大學就針對170名女性進行測驗，發現面對長得帥的男性，佢哋會有較高的容忍度。

心理學家Jeremy Gibson同Jonathan Gore讓測試者觀看兩名男性的照片，一個靚仔一個醜，接著詢問佢哋兩個假設性問題，分別就係男人問佢哋借筆，以及男人想幫佢哋影相。

結果顯示，借筆呢種小事，不論好醜，女孩子多數會應承。但講到影相，佢哋普遍會覺得靚仔就可以，但醜男的話，呢個要求就有太過份了。

呢個就係所以的「光環效應」(Halo Effect)：人喺評斷別人時會，受到強烈的正面印象所影響(例如︰長相、幽默感)，之後呢個人所做的任何行為，都會因為最初判斷而有較高評價；與此效應相反的，則是「惡魔效應」(Lucifer Effect)，假如一開始印象就差，之後所做的行為都會被貶低。

Gibson從上述實驗得出結論，「女性對醜男的容忍有一定限度，喺佢做出不當行為前，外表係冇影響的。」Gore則認為，呢種印象對司法體系影響就好大，「假如受審男子被懷疑觸犯了某啲法律，而且佢又生得醜，就好大機會擴大惡魔效應，令刑罰加重。」