據TechCruch報導，中國製「囚愛」男用智能貞操扣存在重大網絡安全漏洞，黑客能夠隨時隨地利用遙距控制鎖上裝置，更大鑊嘅係用家冇任何辦法自行解開，而必須要物理破壞貞操扣本體先可以重獲自由！

Cellmate本體係咁樣嘅。用法方面，就係套上某個尖端後，後方嘅金屬環就會向下扣。

圖片：Qiui

據《TechCrunch》報導，英國網絡安全公司Pen Test Partners發現，囚愛旗下一款可以利用App遙距鎖上或打開嘅男士智能貞操扣「Cellmate」嘅手機App存在重大安全漏過。黑客不單止能夠透過API得知位置訊息及密碼，更能遙距控制貞操扣鎖上或打開。而一旦被黑客鎖上，用家係冇辦法利用自己個App再次打開。而又由於Cellmate只能利用App打開或鎖上，如果你係用緊嘅時候被黑客入侵，唯一能夠「重獲自由」嘅方法，就係利用切割機等工具直接破壞Cellmate本體，又或者利用過載電壓電爆控制個鎖嘅電路板。作為一個男人真係諗下都縮一縮呀！

Pen Test Partner都有教大家點樣拆開Cellmate及「物理解鎖」

Pen Test Partner指，其實佢哋早於4月就已經發現漏洞，亦已經向囚愛提出，但囚愛只係於6月時更新咗手機App，但假若用戶冇更新嘅話，問題依然存在。所以佢哋決定將消息公諸於世，以提出潛在危險。