唔少人應該都試過買衫中伏，尤其買平衫呢中伏機率就特別高！不過大多數人中伏，都係因為件衫黎到著上身同睇圖相差好遠，好少有人係著上身冇事，除嗰陣先中伏。

桐沢たえ係一名以「水上庭」為筆名出版小說嘅日本作家，近日就成為網絡熱話，不過唔係因為佢寫嘅小說，而係因為佢買咗件好靚嘅旗袍，影咗幾張靚相之後發現除唔到！

圖片：kirisawatae on Twitter

桐沢たえ由下晝5點就開始喺Twitter求救，話著咗件旗袍之後除唔到，之後求救越黎越激動，仲話唔整甩個膊頭臼嘅話絕對除唔到，然後又因為太激動而身水身汗，件衫更加難除，於是佢又開冷氣開風扇等自己冷靜落黎，期間仲諗起嫲嫲叫過佢唔好買自己除唔到嘅衫，又擔心如果呢個時候有速遞送貨黎自己就英名盡喪，最後等到夜晚十點阿媽返屋企，先由阿媽一路鬧一路幫佢除。結束呢次奇妙嘅經歷。

「嗚呀呀呀呀呀！Cast Off (幪面超人術語)」

成功除到後嘅慶祝文

うおおあおおおおおあああーーーーーーッッッ！！！！！！！！！！！！！！！
！！！！！！！！！！！！
キ　ャ　ス　ト　オ　フ
！！！！！！！！！！！！ pic.twitter.com/x19dGTkxE2

— 桐沢たえ (@kirisawatae) July 27, 2020

其中由於佢Twitter上接連Post出自己著住旗袍嘅性感身材及靚樣，後接一張於旗袍中掙扎嘅「顏藝」照而得到接近40000個Re-tweet。

【悲報】通販で買ったセクシーチャイナ着て遊んでたら脱げなくなりました。 pic.twitter.com/5EpJs8EuoB

— 桐沢たえ (@kirisawatae) July 27, 2020