唔少人都鍾意食拉麵，除咗湯頭、麵嘅質地之外，拉麵嘅配料之一「叉燒」都係大家嘅評分標準之一，有一塊靚叉燒絕對會令成碗拉麵大加分！不過，面對千葉呢間拉麵店「ラーメンダイニング絆」嘅招牌菜「銀河叉燒拉麵」，真係唔知要點評分好，皆因到時你面對呢碗「銀河叉燒拉麵」時，真係傻傻分不清自己其實係嚟食叉燒定食拉麵……

話說日本大胃YouTuber「三年食太郎」就喺Twitter上Post咗「銀河叉燒拉麵」引起話題，大家都被呢塊巨型叉燒所吸引！原來自2013年開幕後，「銀河叉燒拉麵」就成為「ラーメンダイニング絆」嘅招牌拉麵，佢嘅標準叉燒量其實係300g，然後依照客人要求去增加叉燒量，價格（唔包括麵）都會依照叉燒量有所變動。

唔知如果挑戰成kg咁大舊叉燒嘅話，究竟會幾咁誇張呢？！如果巴打平時鍾意食拉麵，又鍾意食日式叉燒，不妨去千葉呢間拉麵店「ラーメンダイニング絆」試試佢！