真係估唔到電車都可以咁靚！往來大阪．京都嘅阪急京都線推出全新電車「京とれいん 雅洛」，佢裡面唔係普通電車咁簡單，而係裝修到好似高級和式餐廳咁，有晒屏風、木凳、盆景等等，一入到去即刻Feel到濃濃嘅日本傳統之美！

「京とれいん雅洛」 係為咗觀光客而開發嘅新型電車，每個車廂都以日本不同嘅季節同植物為主題，比如第一節車廂係「秋和楓」，第二節車廂係「冬和竹」，第三節車廂係「春和櫻」，第四節車廂係「夏和葵」，第五節車廂係「初秋和芒草」，而第六節車廂係「早春和梅」，淨係欣賞每節車廂嘅設計都值回票價！

但重點係！「京とれいん雅洛」嘅車費係同普遍電車嘅車費一樣，冇收多你錢，真係非常之Nice！如果巴打有機會往來大阪京都，不妨留意下呢架特別嘅電車「京とれいん雅洛」
！