唔少人去日本旅行都會買KitKat，佢除咗有多到數唔晒嘅口味之外，最吸引嘅就係各式各樣嘅「限定版」！不論住「地區限定」抑或係「期間限定」，總之見到「限定」二字，作為旅客都會忍唔住大量入手！而今年原來係KitKat 45周年紀念，於是佢就嚟個賣大包，推出「一次過可以品嚐35種口味嘅日本KitKat禮盒」！如果你係KitKat粉絲，絕對沒有不買的理由呀！

今年四月，KitKat仲特設英文網站進行全球投票，畀全世界嘅網友決定日本KitKat嚟緊應該要推出邊種口味，結果士多啤梨tiramisu榮登總選第一位！而呢款全世界網民選出嘅新口味都會放埋入KitKat禮盒裡面發售。

大人的士多啤梨甜／抹茶之力／每日奢華／每日奢華士多啤梨芝士口味

焙茶／紅豆三明治／信州蘋果／芥末

士多啤梨芝士蛋糕／提子冧酒／日本酒／梅酒

抹茶／生朱古力／柚子／百香果

士多啤梨／紅桑子／黑醋栗／士多啤梨楓糖

奶油／開心果與紅桑子

而呢款KitKat禮盒可以喺線上購買又得，喺日本KitKat專門店入手都得，價格大約係6,264日圓，巴打又有冇興趣入手呢？