美國呢個車房工人Rick Sullivan，就應該真係好想人留意佢，所以竟然用咗半年時間，使咗$6,000美金，將兩架Ford pickup truck（1991 Ford Ranger加1995 F-150）拆散再砌番埋一齊，打造出呢架巴黎鐵塔反轉再反轉嘅車。唔係打車輪，但堅有四個車輪朝天，車底再有四個車輪用嚟行。

老實講，我真係唔知整到架車咁嘅樣，有乜實際用途，亦唔覺得有美感，只知喺街一定會引到人望。不過仲有下次嘅話，希望呢條友諗到整架靚啲嘅古怪車啦！