{ SKIP }
文:MenClub Mean娜  圖:互聯網
POSTED ON 09 Feb 2018

好多人都慨嘆現今嘅愛情easy come easy go,希望搵到可以令愛情細水長流嘅方法。其實要令愛情行得長久,唔係冇辦法,以下有啲老夫老妻嘅經驗之談,雖然唔可以擔保跟足就一定唔會分手,但作為戀愛守則,參考一下都無妨。


唔好比較
正所謂「人比人比死人」,你覺得自己嘅另一半比唔上其他人嘅好處,其實其他人一樣有嘢比唔上你嘅另一半,唔好淨係睇到自己另一半嘅缺點,多啲欣賞佢嘅優點,並珍惜自己所選擇嘅佢。

唔好玩弄對方感情
可能有啲人真係認為「愛情不過是一種普通的玩意兒一點也不稀奇」,但人大咗,認真看待愛情嘅時候,就會明白其實愛情唔係遊戲,而係一種責任。

唔好向親朋好友抱怨另一半
愛情並冇對或錯,如果兩人之間出現問題,就應該同另一半好好溝通,而唔係向其他人抱怨另一半嘅不是,因為外人係幫唔到你兩人嘅關係之餘,仲好容易影響你嘅判斷,傷害彼此關係。

唔好囉嗦另一半
其實唔只女人會囉嗦,男人都一樣會,但兩個人喺埋一齊,總有生活習慣不同嘅地方,有時唔滿意對方,都唔好囉嗦對方,好好咁坐低傾下仲好,話晒邊有人會想另一半好似阿媽咁煩住晒呢?


唔好刻意堅持自己
唔係要你為另一半完完全全改變自己,只係有時唔一定要好刻意做一個完全嘅自己,愛情當中,相比起堅持自我,更需要其實係一點點退讓、一點點體諒,為對方更加著想。

2018年好多名人都離世,令人感到非常惋惜,而就喺早幾日,澳洲都有位明星去世,佢就係明星袋鼠「Roger」。
gags
享年12歲 澳洲肌肉袋鼠Roger去世
12 Dec 2018
今次呢個「鱷魚懶人毯」保暖之餘,仲可以用嚟玩!
gags
齊來玩《我老婆日日都扮死》?吞食身體的「鱷魚懶人毯」
11 Dec 2018