尋日Girard Perregaux芝柏有間全新專門店開幕，座落於玩荷里活電影feel嘅新濠影滙。好多鐘錶界名人都有到場支持，主禮嘉賓包括索風集團和GP總裁及首席執行官Antonio Calce、香港鐘表業總會永遠名譽會長孫秉樞博士MBE太平紳士等人。最令人意外嘅係見到大台御用煩膠蔡思貝小姐。

講吓間新店，新裝修絕對係氣派不凡、高貴典雅，牆身物料同燈光都令到客人覺得好服客。其實每次去睇錶、揀錶都係一種享受，尤其係你去 GP 呢類大牌子，負擔得起嘅朋友，相信會感同身受。

同映加映一系列經典錶款包括 Girard-Perregaux 1966、Traveller、Cat’s Eyes等等，最唔少得當然係 GP 225 周年特別版系列腕錶「Place Girardet」。Basel 登場嘅Place Girardet，限量225隻，每隻都代表一個年份，錶盤仲顯示咗該年嘅大事，每隻顏色配襯各異，售價HK$240,000。

41mm玫瑰金錶殼，配搭GP01800-0005自動上鏈機芯，GP首次於呢隻錶上展出咗非常具代表性嘅 Pont d’or 金橋鏤空錶盤同Microvar擺輪之完美結合，動力儲存最少54小時。