錦鯉 (Koi) 不單止代表生命同豐饒，仲有財富、黃金等意思，所以中華文化、日本文化，都視佢為富足、吉祥嘅象徵，以前中國亦有個「鯉躍龍門」嘅傳說，可想而知錦鯉嘅歷史地位 (同埋身價) 有幾崇高。

日本人嘅傳統建築美學講求天人合一，喜愛將大自然融入家中，所以有好多庭院，亦有好多水池可以養錦鯉。日本文化傳統中，唔同品種嘅錦鯉又各自代表不同嘅美德。CVSTOS 今次呢隻錦鯉陀飛輪，俾夠25個品種你自己配搭，計一計條數，可以有625個組合。

自家 CVS 2600C 全鏤空飛行陀飛輪機芯，透過調整垂直驅動輪傳達系統嘅構造同配置，兩邊有多啲空位擺錦鯉，整個設計唔單止令錶盤色彩斑斕，左右錦鋰於發條盒之上又顯得栩栩如生，形態優雅。