為慶祝《ONE PIECE》電視動畫播出25周年，最近SEIKO宣布推出全新聯乘腕錶，限量5000隻！

呢款聯乘腕錶採用三眼錶盤設計，帶領Fans回到旅程最初起點，將紅髮撒古斯為路飛戴上草帽經典一幕，以剪影形式融入在9點鐘方向嘅小錶盤，而置於12點及6點鐘方向嘅秒錶則印上草帽海賊團及紅髮海賊團Logo，其中5點鐘刻度更以特別以金色作點綴呼應25周年主題。至於錶蓋方面，就分別刻有動畫25周年紀念Logo、獨立編號以及SEIKO字樣。

除此之外，腕錶亦配有專屬收藏盒，以木紋圖案配上金色草帽海賊團金色Logo，並隨盒附上一張紅髮為路飛載草帽嘅插圖保證卡，售價為54,780日元(約HK$2,900)，目前已於官網開放訂購，預計2025年2月發貨。