為慶祝G-SHOCK MASTER OF G FROGMAN 系列誕生30週年，CASIO 將會推出第二款限量紀念手錶「GWF-A1000APF-1A」(HK$10,340)，並以亞馬遜森林「箭毒蛙」為設計靈感。

來自中、南美洲嘅箭毒蛙，由於皮膚會分泌毒素，而當地居民會將蛙毒塗於箭上以助狩獵而得名。箭毒蛙外表上最大特徵為五彩斑斕嘅膚色，而為咗重現毒箭蛙嘅絢麗皮膚，G-SHOCK將碳纖維和不同顏色玻璃纖維堆疊，組成橙紅、藍及黑條紋錶圈，再加上透明部件以呈現箭毒蛙嘅色彩特徵。錶帶亦用上會隨光線和觀看角度而改變顏色偏光塗層，以模仿箭毒蛙嘅皮膚表面。底蓋就刻有箭毒蛙圖案及 FROGMAN 30週年嘅標誌。

功能上就沿用GWF-A1000系列設計，採用指針顯示時間，配備 ISO 200 米防水性能，MULTI BAND 6時間正、藍寶石水晶玻璃搭配無反光鍍膜以及高亮度 LED 燈，當然亦有保留潛水模式。加上G-SHOCK一貫嘅高強度、高耐久設計，無論係上山下海都能夠準確運作。

如果大家有興趣入手，就要於1月15日晚上23:59前，於CASIO授權網上旗艦店登記參與抽籤。抽籤結果會於2023年1月16日公佈。

資料來源：CASIO