隨住各國放寬旅遊限制，香港政府又 (緩慢地) 放寬防疫措施，相信唔少香港人都急不及特想出國旅遊，又或者於香港搵個好地方與老友聚聚。日前「The Worlds 50 Best Bars」就發表2022年度名單，除咗為大家嘅下個旅行目地的提供靈感，香港亦有兩間酒吧上榜！

在 Instagram 查看這則貼文

Paradiso（@paradiso_barcelona）分享的貼文

「The Worlds 50 Best Bars」由650名來自世界各國嘅業界人士、記者以及雞尾酒專家評選而成，其榜首位置多年來都係由倫敦或紐約嘅酒吧所壟斷。但最新嘅2022年名單中，西班牙酒吧就急速冒起，除咗去年獲第三、位於巴塞羅那嘅Paradiso成為首間非倫敦、紐約嘅奪冠酒吧之外，同樣位於巴塞羅那嘅Sips亦奪得第三，最終頭50名中有4間酒吧係來自西班牙。

而第二名就係來自倫敦、去年都係第二嘅Tayēr + Elementary，而前年及去年連續兩年第一嘅倫敦Connaught Bar，今年就跌落第八，最終倫敦依然有5間酒吧上榜；另一酒吧大城，美國嘅紐約就有6間酒吧上榜，當中排名最高嘅係台灣籍傳奇調酒師詹佳恩(GN Chan)與2015中國區冠軍菲菲(Faye Chen) 開設嘅Double Chicken Please。

在 Instagram 查看這則貼文

COA（@coahongkong）分享的貼文

至於香港亦有兩間酒吧上榜，當中包括排名17，位於中環嘅龍舌蘭酒吧Coa，以及排名28，位於四季酒店內嘅Argo。不過去年排名第7嘅Coa，今年就被排名12、來自新加坡嘅Jigger & Pony反超，失落亞洲最佳酒吧嘅稱號。其餘名單大家就可以去官網瀏覽。